「最近對眼成日都好攰。」好多人都聽過屋企長輩咁講，大家通常都以為係年紀大。
眼睛隨年齡有啲變化係自然嘅，但唔代表一定要忍住唔舒服。乾眼症係 60 歲以後眼攰、眼澀最常見嘅原因之一，只要了解清楚，其實好容易處理。
呢篇指南寫給長者，同埋照顧佢哋嘅家人：點解年紀大容易眼乾、有咩要留意，同埋點樣喺 Réspa 用長者醫療券做眼睛護理。
點解年紀大容易眼乾？
研究顯示，年紀越大，乾眼症越常見。通常係幾個變化一齊出現：
油脂腺變化
眼皮邊嘅瞼板腺會慢慢分泌少啲、油脂亦變得濃稠，淚水就蒸發得快。
眼水變少
淚水分泌可能慢慢減少，荷爾蒙變化（尤其收經後）亦有影響。
日常藥物
部分常見藥物，例如某啲血壓藥、抗敏感藥同抗抑鬱藥，有機會令眼水減少。
眼皮變化
眼皮變鬆、眨眼眨得唔完整，眼睛表面就有部分容易乾。
請唔好因為眼乾自行停藥或者改藥。如果覺得有藥物影響到眼睛，請同處方嘅醫生傾吓。
做完眼部手術（例如白內障手術）之後，眼睛亦可能會乾一段時間。想全面了解乾眼症，可以睇睇我哋嘅乾眼症完全指南。
要留意嘅征狀
屋企長輩未必會講「乾」。可以留意吓佢哋有冇：
- 講對眼好攰、好重、有沙或者痛
- 成日揉眼，尤其夜晚
- 成日流眼水，特別係出街或者有風嘅時候
- 早上起身眼皮邊紅或有眼屎
- 睇報紙、睇電視睇得比以前短
- 成日滴眼藥水，但仍然唔舒服
「但我阿媽對眼成日都流眼水喔」
流眼水好多時其實係乾眼嘅征狀。眼睛表面受刺激時會分泌多了反射性眼水，但呢啲眼水保護唔到眼睛。流眼水亦可能有其他原因，例如淚管阻塞，所以最好還是做一次詳細檢查。
65 歲後定期驗眼嘅重要
乾眼症好常見，但唔係年紀大唯一嘅變化。白內障、青光眼同黃斑病變等問題通常慢慢出現，有啲初期更加幾乎冇症狀。
定期由視光師做眼睛檢查，有助及早發現呢啲變化。如果發現需要進一步跟進嘅情況，我哋會安排轉介眼科專科，讓你嘅家人及時得到合適嘅照顧。
點樣用長者醫療券？
Réspa 已登記參與政府「長者醫療券計劃」，合資格長者可以用醫療券支付視光服務，例如眼睛檢查同乾眼評估。重點如下：
| 邊個可以用 | 65 歲或以上、持有效香港身份證或《豁免登記證明書》嘅長者。由滿 65 歲喺年的 1 月 1 日起已可以用。 |
| 金額 | 每年 1 月 1 日發放 $2,000，未用嘅可以累積，最多 $8,000。 |
| 視光服務上限 | 每兩年最多可以用 $2,000 喺視光服務。未用嘅視光服務限額唔會撥入下一個兩年周期。 |
| 點樣用 | 唔使預先登記。記得帶正本有效身份證（長者卡或影印本都唔接受）。醫療券要喺親身接受服務之後先可以使用。 |
| 唔包括 | 單純購買產品（例如冇服務嘅情況下買眼藥水或眼鏡），以及預先支付未接受嘅服務。 |
| 查詢餘額 | 致電醫療券餘額查詢熱線 2838 0511、用「醫健通」手機程式，或者上醫療券網站查詢。 |
資料參考衞生署醫療券常見問題，截至 2026 年 9 月。計劃細則或會有變動，到時我哋同事會同你再確認一次。
檢查流程
- 1預約
可以網上預約，家人亦可以代為預約。 - 2眼睛檢查
我哋會先細心聽你講，再慢慢檢查淚膜、眼皮同整體眼睛健康，唔使急。 - 3清楚講解
用浅白嘅說話講解檢查結果，再建議健合日常生活嘅護理方法。 - 4使用醫療券
接受服務之後出示身份證正本，我哋會同你一齊辦理。你會收到一張通知，列明今次用左幾多同埋餘額。
給家人嘅小貼士
如果你幫父母或者婆婆爺爺安排驗眼，少少準備就可以令過程更順利：
- 帶身份證正本：用醫療券一定要
- 帶埋藥物清單：或者影低藥盒張相都得
- 帶埋現時用編嘅眼藥水同眼鏡
- 可以的話陪埋一齊嚟：有熟悉嘅人在度長輩會安心啲，你亦可以親耳聽到建議
- 日常護理要簡單：例如將熱敷安排喺飲完早茶之後，跟現有習慣一齊做，比較容易持之以恆
常見問題
可唔可以用醫療券淨係買眼藥水？
唔可以。醫療券係用喺醫療服務，唔可以單純用嚟買產品，例如眼藥水、藥物或眼鏡。
可唔可以用老伴嘅醫療券？
如果雙方都合資格，可以登記「夫妻共用」，自己嘅餘額用完之後就可以用老伴嘅。但每兩年 $2,000 嘅視光服務限額係每人各自計算，唔可以共用。
用醫療券會唔會多收錢？
唔會。按計劃規定，用醫療券唔應該收取手續費，亦唔應該收較高嘅價錢。
仔女可唔可以幫我預約？
當然可以。歡迎家人代為預約同陪同出席。只係要記得，長者要親身帶身份證正本嚟先可以用醫療券。
用醫療券會唔會有人問我拎銀行資料？
唔會。衞生署同醫療服務提供者都唔會要求你提供銀行資料，或者叫你按任何連結。請小心提防騙案。
照顧好屋企人對眼
無論係自己定係幫父母預約，一次細心、全面嘅眼睛檢查都係好嘅開始。我哋會慢慢同你講清楚，幫你善用醫療券。歡迎預約檢查了解更多 🤍
預約眼睛檢查Réspa 視光及乾眼護理中心
油麻地彌敦道 363–373 號恒成大廈 1303 室
上午 11 時至晚上 7 時 · 逢星期三、五休息
關於作者
由 Réspa 註冊視光師撰寫。Réspa 由三位視光師創立，專注全面乾眼評估同護理，將實證視光護理同舒適嘅 wellness 體驗結合。
參考資料
- 衞生署。長者醫療券計劃：醫療券使用者常見問題。2026 年 9 月。
- Stapleton F, et al. TFOS DEWS II Epidemiology Report. The Ocular Surface, 2017.
- Craig JP, et al. TFOS DEWS II Definition and Classification Report. The Ocular Surface, 2017.
本文內容只供一般健康資訊參考，不能取代專業眼睛檢查。如有任何眼睛不適，請諮詢註冊視光師或眼科專科。
